Ka Khasi Students’ Union (KSU), Wapung Circle hapoh ka jingïalam u President Shaniahskhem Dkhar ka la leit ban buh dorkhas ha u Deputy Commissioner ka East Jaiñtia Hills District u Shri Shivansh Awasthi,IAS, halor ka jingtrei torti ka company Purvanchal Buildtech Private Limited (PBPL) kaba pyntrei ïa ka lynti ïaid kjat ha shilynter ka Surokbah- 6 (National Highway 6).
Ka jingleit buh dorkhas seng ka dei halor ba don ka jingjia ba don ki nongshong shnong kiba la ngat ha ka jingmynsaw bad ka buh jingma ia kiwei de lada ka company kam maramot ïa kine ki drainage system bad ka footpath ha shilynter ka NH-6 khamtam ha ka area Wapung.
Ha ka jingïakynduh bad u DC u la kular ban shimkhia bad ban bthah ia kane ka company ban maramot noh. Haba ïa dei bad kane ka seng ka la ai por shitaiew tam bad lada kim maramot ka seng ka lah ban leh la ki jong ki sienjam.
