Kum shi bynta ka jingiasnohkti lang bad ka ri India baroh kawei, ki bor pyniaid jong ka Amlarem Sub-Division lyngba ka ophis jong ka SDO (Civil), Amlarem kila rakhe ia ka National Constitution Day Samvidhan Divas) ha ka 26/11/2025 ha Conference Room jong ka ophis Sub-Divisional Officer (Civil), Amlarem Sub-Division.
Ha kane ka sngi kila don kumba 30 ngut ki officer bad ki staff na ki tnad treikam sorkar bapher bapher ba kynthup ia ka tnad Treasury, Excise, Supply, Election Office bad ka GAD, kila iashim bynta.
Ia ka jingpule ia ka Preamble jong ka Constitution ka ri la lam khmat da ka Sub-Divisional Officer (Civil), Amlarem bad kala ai jingkren halor kane ka sngi kyrpang kaba la ju rakhe man la u snem ha ka 26 tarik u bna Naiwieng (November) kum ka sngi ba la pdiang ia ka Riti synshar ka ri.
Ia kane ka juh ka jingrakhe la leh ruh ha ophis Sub-Divisional Public Relations Officer (SDPRO), Amlarem, ha kaba ki officer bad ki staff kila iashim bynta ban pule ia ka Preamble ka Constitution ka ri.
