Ki Nongialam ka Meghalaya Commercial Truck Owners & Driver Association (MCTODA) ki la pynpaw ia ka jingsngewlyngoh hadien ba la wai ka jingialang ba la khot da ka sorkar hapoh ka jingialam u Symbud Myntri Rangbah ba khmih ia ka tnad Transport u bah Sniawbhalang Dhar ha ka jingiadon ryngkat ki trai Cement Company, ki bor pyniaid District bad ki nongialam ka MCTODA bad kumjuh ki Association Truck na Jaintia Hills.
Haba kren sha ki lad pathai khubor na ka liang u President ka MCTODA u Bah Mosklander Marngar u la pynpaw ia ka jingsngewsih bad ka jingsngewlyngoh namar ha ka 13 tarik Naiwieng 2025 ka jingialang kaba nyngkong ba la khot da ka Sorkar hapoh ka jingialam u Symbud Myntri Rangbah Bah Prestone Tynsong ki la rai ia ka dor 9 tyngka hynrei mynta ka sngi pat ki trai cement ki la kylla khongpong bad kim treh ban pyntreikam ia ka dor 9 tyngka.
Ha ka jingialang kaba nyngkong ki Cement Company ki la ia mynjur lang ia ka dor 9 tyngka hynrei mynta ka sngi pat ki la kylla ktien bad kim hun ia ka dor 9 tyngka.
Na ka liang ka MCTODA ka ieng beit ha ka Nongrim ban kit beit ia ka dor 9 tyngka bad kine kiba pyniaid ia ka aiñ ai kin iaid namar ia kane hap leh da ka Sorkar.
Na ka liang ka Sorkar bad ki cement Company ki la tyrwa ia ki nongialam ka MCTODA ban iakren biang bad kine ki Cement Company haba iadei bad ka dor Cement hynrei na ka liang ki nongialam ka MCTODA ki la ong sa katno sien yn iakren bad lada poi sha ka jingbym sngewthuh jingmut la hap mih sha Surok.
Shuh shuh u la ong wat ha ka jingthoh ruh la buh ia ka dor 9 tyngka hynrei ki trai cement ki la ong ba ki bakla bad ki kylla ktien. Nalor kata u AG u Amit Kumar lyngba ka Video Conferencing um mynjur ia ka 9 tyngka hynrei ha ka 13 tarik ha ka jingialang ba nyngkong u khlem pyrshah ei ei haba iadei bad ka dor 9 tyngka bad ha ka jingialang mynne um mynjur namar u khlem pat pule ia ka aiñ hynrei mynta u la sngewthuh bad u la ong ba ka dor 9 tyngka kam long.
U Bah Moselendar Marngar u la ong ki cement Company ki leh ha la ka mon kim burom bad ha ka 13 tarik la ia rai ia ka dor 9 tyngka mynta pat ki kylla ktien bad ki ong khlem rai bad ki khlem pdiang ia ka dor 9 tyngka. U la ong ha ka jingialang mynne ka pynpaw ia ka jingsgew diaw ia ka jingleh jong ki Cement Factory namar ki kren beit katba ki sngew mon ki sngewbit la pynpaw u Bah Moselender Marngar.
