Ki bor pyniaid District jong ka East Khasi Hills, District lyngba ka Deputy Commissioner (Rev) kong R.M. Kurbah, IAS kala pynmih ia ka hukum ba shipor ban khang ia ka jingiaid miet jong ki kali naduh ki bynta jong ka Lad 5Mer (5th Mile Junction) haduh Lad Lum Shillong (Air Force Station Gate, Shillong Peak) na ka daw jong ka jingpyntrei ia ka surok ha kitei ki bynta.
Ki sngi ban khang iaid miet ki kali ka long naduh ka 29 tarik u Naiwieng haduh ka 1 tarik u Nohprah 2025, kata naduh ka por 10:00 PM haduh 6:00 AM.
Kumta la kyntu ia ki nongleit nongwan ba kin kohnguh ia kane ka hukum bad iatreilang bad ki bor pyniaid kali (Traffic).
Yn ailad tang ia ki kali kiba don ha ka jingkyrkieh (Emergency vehicle) bad kila kiba la ioh bor kyrpang ban iaid lyngba ha kitei ki kynta ba khang.
Ki nongleit nongwan ki lah ban pyndonkam da ka surok na Pomlakrai – 12th Mile kum kawei pat ka lad ia ki ha ki por ba khang ia katei ka surok ba la kdew haneng
