U President ka Meghalaya Pradesh Congress Committee (MPCC) u Bah Vincent H Pala haba kren sha ki lad pathai khubor u la pyntip ba ki dang bun kiba dang wan phai sha ka sem jong ka Seng Congress namar baroh kiba mih na ka Congress ki kwah ban wan phai biang sha ka Congress namar ka Seng Congress ka dei ka Seng kaba peit ia ki jingeh na ka bynta ki rit paid bad ym tang ha Garo Hills, hynrei ha Khasi Hills bad Jaintia Hills ruh ki ba bun kin wan phai sha ka Congress ha u snem ban wan.
Nalor kata u la ong ka Ilekshon ka dang don sa 2 snem bad ka por ka dang bun ia ka Congress ban pynkhreh na ka bynta ka Ilekshon bad ki paidbah ki khmih lynti ba ka Congress kan leh bha.
Ka jingeh ia ka Congress ka dei halor ka jingbym ioh ia u kyrtong uba biang bad lada ioh ia u kyrtong uba biang ka Congress ka lah ban leh bha ha ka Ilekshon MDC ne ha ka Ilekshon MLA.
