Ka Dorbar Shnong jong ka shnong Nongjrong kala shim ia ka rai ba naduh u snem thymmai kata naduh u bnai January 2026 kan khang noh ia baroh ki jaka jngohkai kiba don hapoh u pud u sam jong ka ha manla ka sngi Sunday bad kan pdiang ia ki nongwan jngohkai tang naduh ka sngi Monday haduh Saturday.
Ki nongshong Shnong kila shim ia kane ka rai namar ba ka sngi Sunday ka dei ka sngi shongthait jong ki, kumta ka long kaba eh bha ban peit bad synran ia ki nongwan jngohkai ha ka sngi Sunday. Kila rai ruh ba ha ka sngi Sunday yn ym don dukan, ki jaka pynieng kali kin khang bad ym don kino kino ki kam kiba lah ban shakri ia ki nongwan jngohkai bad kaba kongsan ka long ban wanrah ia ka jingshong suk hapoh ka shnong, kila ong.
