Ka Jaiñtia National Council (JNC–CEC), hapoh ka jingïalam jong u President jong ka, u Sambormi Lyngdoh, ka la shim ïa ka sienjam kaba tyngeh pyrshah ïa kaei kaba paw kum ka jingpynkheiñ kaba khraw ïa ki aiñ khyndew jong ki riewlum ha kaba ïadei bad ka jingthmu ban tei ïa ka M/S Shree Cement Integrated Plant ha Daistong, East Jaiñtia Hills.
Mynta ka sngi, ka 4 tarik Naiwieng 2025 ka JNC ka la ai ia ka ujor sha ka Commissioner & Secretary ka Revenue and Disaster Management, kong Matsiewdor War Nongbri, ban dawa tuklar halor ka jingpynkhein aiñ khyndew ka Shree cement.
Ka jingujor jong ka JNC ka pynpaw ia ki jingeh kiba jur:
A. Ka jingpynkylla jaka beaiñ ia ki riewlum (ka jingpynkheiñ ia ka aiñ Meghalaya transfer of Land Regulation, 1971)
Katkum ka kaiphod jong ka EIA ki jaka jong ka projek:
Ka dei jong uwei u trai jaka riewlum, u u Syrpaibha Sukhlain.
La thied da u Bharat Sharma, u bym dei u riewlum.
Kane ka jingaiti ka pynkheiñ ïa ka Section 2 jong ka Meghalaya Transfer of Land (Regulation) Act, 1971, kaba khang ban aiti ïa ki jaka riewlum sha ki bym dei ki riewlum khlem ka jingthoh jingbit na u Deputy Commissioner.
Bad ia kane ym shym la ai ha ka jingbit jong ka EIA.
Ka JNC ka la lap ruh katto katne ki jingduna kiba kongsan:
(a) Ka jinglong aiñ jong ka khyndew kam shym la pynshisha.
- Kam ka EIA ba la “thied” ia ka jaka na ka bynta ka Shree Cement,
Hynrei ym don jingbit kum ki kot ki sla na u DC, ym don jingthoh shaphang ka jingkylla dur, bad ym don jingmynjur jong ka JHADC.
Ym don jingpynshisha ia ka jingpynkylla jaka katkum ka ain jong ki riewlum sha ki bym dei ki riewlum
(b) Ki jingpynkheiñ ia ki jaka khlaw (wildlife)
Ka EIA ka kam ba ka projek ka don 6.35 km na ka khlaw ba la buh kyrpang jong ka Saipung.
Hynrei kam shym la aiti ia ka kaiphod (clearance ).
Ka EIA ka kdew ia ka shithi jong u DFO (08.10.25), hynrei:
Ka shithi pat khlem Suh lang.
Kane ka pyntlot ia ka jingshaniah jong ka projek.
(c) La shu kyntait noh ia ka bor synshar jong ka JHADC
Ka EIA ka ong ba ka jaka ka don ha ka Elaka Nongkhlieh Dolloiship, hynrei:
Ym don NOC na ka JHADC .
Ym don jingpynshisha na u Doloi .
Ym don kot sla kum ka jingmynjur na ka Durbar Shnong .
Kane ka dei ka jingpynkheiñ peit peit im im ïa ka Sixth Schedule.
Ka jingkyrpad jong ka JNC sha i commissioner ka long ba in leh mardor:
- Ban Tohkit ia ka jingpynkylla jaka na ki riewlum sha ki bym dei ki riewlum .
- Pynshisha la ka jingmynjur jong u DC ka don ne em
- Peit ia ka jingmynjur jong ka JHADC, ki jingthoh jong ka jingkylla dur, bad ka jinglong trai katkum ka ain.
- Pynbna ba ka jingkhaii jaka ka long kaba be-aiñ .
- Pynsangeh noh mardor ia ka jingpynsngew paidbah .
- Ban Buddien bad u DC EJHD bad ka JHADC na ka bynta ka jingbud ryntih katkum ka ain
- Sdang ia ki jingtohkit ain lada la pynshisha ia ki jingpynkhein .
Haka ba iadei bad katei ka kam ka JNC kalah dep ruh ban ai haduh (3 tylli ki shithi)
Nalor ka jingujor mynta ka sngi, kita
(I) Shithi sha u Deputy commissioner, EJHD halor Ka jingujor kaba pura kaba pynpaw ia ka jingpynkylla jaka beain bad Jingkyrpad ban pynsangeh noh ia ka jingpynsngew paidbah .
Ka jingkyrpad ban pynshisha katkum ka ain katkum ka ain MLTR, 1971
(II) Shithi sha u ophisar khlaw jong ka tnad (DFO wildlife Jowai)
Ka jingwad jingshai kyrkieh (urgent Clarification ) halor:
Ka shithi DFO ba jah (08.10.25) ba la kdew ha ka EIA
Lada la pynlong ia ka jingpeit bniah ia ka jaka da lade ne em.
Ki NOC jong naka tnad bad
Ka jingktah ia ka khlaw ba la buh kyrpang jong ka Saipung (6.35 km)
(III) Shithi sha u CEM ka JHADC
Ka jingpan jingshai halor:
Ka jingthied jaka ki bym dei ki jaitbynriew .
Ka jingbym don ka NOC ka JHADC.
Ka jinglong trai jaka hapoh ka Elaka Nongkhlieh Dolloiship .
U president ka JNC u Shri Sambormi Lyngdoh haba kren halor katei ka mat, u la ong.
“Ka JNC kan ym shah ia kano kano ka jingpynkhein ia ka hok khyndew jong ki riewlum hapoh ka jingpeit jong ka seng.
Ngi la leh stet bad da ka jingkitkhlieh da kaba ujor lai tylli ki shithi ba thikna bad kawei ka jingujor kaba mynta.
Haduh ba ka Sorkar kan pynthikna ia ka jinglong ain jong ka jingpynkylla jaka,”
Ka seng ka phah ruh ka kyrwoh sha ki Paidbah ba, Baroh ki kam ki long kiba la leh na ka bynta ka jingbha jong ka hok jong ki riewlum .
Ka JNC kan dang bteng ban buddien ia ka jinglong jingman katkum ka ain bad kaba shai, bad Ka jingïatylli ka long kaba donkam ban khanglad ïa ka jingpyndonkam be-aiñ ïa ka khyndew ka shyiap bad ki marpoh khyndew jong ka imlang sahlang .
