Ia ka Iaw Khristmas ha Iawthymme Ladthadlaboh Jowai ia kaba la tip ha ki snem kiba la leitnoh kum ka Santa Grecense bad mynta la tip kum ka Santa Jaintia Group la plie paidbah ia ka hynne ka sngi (5th December 2025) da u ma Grecentus Susngi MDC ka 17 Nangbah Mihmyntdu MDC Constituency.
Ha kane ka Iaw Khristmas lah ban ioh ia baroh ki jait tiar Khristmas, kum ki Khlur, Tiar pynriam Khristmas (Christmas decoration), ki jait Light ba bun jait, ki Sula, ki Tupia (Tympri Khristmas), ki Kseh Khristmas bad kiwei de ki jait tiar kiba ki briew ki ju pynriam ha ka por Khristmas.
Ha kane ka Iaw Khristmas don ka Shyngoid Khristmas kaba la pynwandur kum ka Kper Khristmas. Ia kane ka Iaw Khristmas la plie naduh hynne ka sngi 5 tarik December bad kan kut haduh ka 24 tarik December 2025. Ha kane ka Iaw kino kino kiba kwah jingpynriam Khristmas ki lah ban ioh na kane ka Iaw Khristmas ha ka dor kaba jem haba ia nujor bad kiwei kiwei ki dukan die tiar Khristmas kiba don hapoh ka sor Jowai ong ki Nongpyniaid kiba pyniaid ia kane ka Iaw Khristmas (Christmas) kaba don ha Iawthymme Ladthadlaboh Jowai.
