Spread the love

Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 120 ngut, kiba la koit na ka jingpang ki don 194 ngut, 4 ngut kiba khlad na kane ka jingshitom, tang na East Khasi Hills District.

Haba lum jingkheiñ ia baroh ki test ba la pynthikna Positive naduh ba sdang haduh mynta ki don 92,766 ngut, kiba la koit na kane ka jingpang ki dong 90,188 ngut. Kiba dang long Positive haduh mynta ki don 1020 ngut bad kiba khlad baroh naduh ba sdang ki long 1558 ngut.

Na Ri Lum Jaintia:  Na East Jaintia Hills don 3 ngut ba ioh pang thymmai, 4 ngut ki ba dang koit bad ym don ba khlad mynta ka sngi. Na West Jaintia Hills ki don 22 ngut kiba ngat thymmai, 14 ngut ki ba koit bad ym don ba khlad mynta ka sngi. Katkum kane ka kaiphot ka paw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills ka ba don 50 ngut bud sa ka West Jaintia Hills 22 ngut.

By yutip

Leave a Reply

Your email address will not be published. Required fields are marked *