U Additional Deputy Commissioner (Supply) i/c SDO Sohra Civil Sub-Division u bah M. A. Challam, MCS ula pyntip paidbah ba katkum ka hukum ba la pynmih da ka ïingbishar Supreme Court la bthah ia baroh ki nongshong shnong kiba ioh ia u khaw rashon hapoh ka skim NFSA ki dei ban leh noh ia ka eKYC jong ki.
Kumta la bthah ia baroh ki nongioh bynta na kane ka skhim kiba don hapoh ka Sohra Civil Sub-Division ba ki dei ban leit mih sha ki jaka sam rashon (FPS Centres) jong ki naduh ka 10 tarik haduh ka 15 tarik December 2025 ban pyndep ia kane ka kam.
