Ka Central Executive Committee (CEC) jong ka Jaintia National Council (JNC) ha ka jingialang kaba la long mynta ka sngi ka 8 tarik Nohprah 2025 ka la rai ban pynlong da ka jingiakhih ha ka 10 tarik Nohprah ban pyrshah ia ka jingthmu ban tei ia ka Shree Cement Plan ha shnong Daistong.
Ka jingpynbna ka Seng ban pynlong ia ka jingiakhih paidbah ka dei hadien ba ka Seng ka kynnoh ba ka Sorkar ka sngap jar halor ki jingujor kiba iadei bad ka jingpynkylla beaiñ ia ki jaka jong ki riewlum bad ka jingpynkheiñ ia ka Meghalaya Transfer of land Regulation Act 1971.
Kumta ka Seng ka la rai ban pynlong da ka jingiakhih ha ka 10 tarik ha khmat ka ophis DC Khliehriat kynthup naduh ka jingrah ia ka placard, bad ka jingialang paidbah.
Na ka liang ka Seng ka khot ka wer ia ki paidbah khamtam na Daistong ban iatylli bad ban wan iashim bynta ha ka 10 tarik Nohprah.
