Ki Nongtrei Asha hapoh ka Shatri ka Meghalaya Asha Worker Union ha ka 11 tarik Nohprah 2025 ki la pynlong ia ka jingialang ha Community Hall Golflink Pynthor ban iakren haba iadei bad ka jingsahkut ka tulop kaba palat 7 bnai ka ba ki dei ban ioh na ka Sorkar Pdeng.
Haba kren sha ki lad pathai khubor na ka liang ka President ka Meghalaya Asha Worker Union ka Kong Mira June Marsing ka la ong ba ki la dep phah da ka jingthoh sha u Mission Director naduh u bnai Jymmang 2025 hynrei haduh mynta ruh kim pat ioh ia ka tulop ba ki dei ban ioh na ka sorkar pdeng bad ka Sorkar ka la kular ban ai ha ka 19 tarik Nohprah 2025 bad lada ka Sorkar kam ai ia ka tulop ha ka 19 tarik Nohprah na ka liang ka Meghalaya Asha Worker Union ki la rai ban pynlong da ka jingiakhih da kaba sangeh treikam.
