U Myntri Sorkar jylla uba dei ruh u MLA ka 19th South Shillong Konstituensi, u Bah Sanbor Shullai mynta ka sngi ka 13 tarik Nohprah 2025 ha ryngkat ka jingiatreilang bad ka Monitoring Implementation Committee jong ka 19th South Shillong konstituensi ki la pynlong ia ka jingrakhe Advance Khristmas bad advance snem thymmai ha State Convention Shillong.
Ha kane ka sngi ba rakhe ia ka jinglehkmen advance Khristmas la wan ban ia snohkti lang da ki kynhun balang bapher bapher kiba hap ha South Shillong konstituensi , ki Dorbar Shnong bad ki paidbah kiba la shah khot sngewbha sha kane ka jingrakhe Advance Khristmas.
u MLA ka South Shillong u Bah Sanbor Shullai u la sam jingiarap ruh sha ki kynhun balang bapher bapher bad kumjuh sha ki Dorbar Shnong kiba hap ha South Shillong konstituensi.
U MLA ka South Shillong u Bah Sanbor Shullai u la ot ruh ia u cake kum ka dak jong ka jingrakhe ia ka jinglehkmen Khristmas, bad ha kane ka sngi ka la don ruh ki jingduwai ka jingrwai , ki jingtem jingput ba la pynkhreh da ki nongtem nongput bad ki nongrwai bad kumjuh ruh ka la don ka jingiadihsha ,ka jingbamja sngewbha bad ka jingai sngewbha khristmas da u MLA ka South Shillong.
Na ka liang u Bah Sanbor Shullai haba kren ha kane ka sngi u la ong ba kum ka komiti ka shit pynlong ia ka jinglehkmen advance Khristmas man la u snem bad mynta u snem ruh ka komiti ka la pynlong ia jinglehkmen advance Khristmas bad advance snem thymmai.
Khatduh u la bynrap “Ha ka jingiaid lynti kum u nongmihkhmat haba leit jingleit kylleng kylleng u la pynpaw ba u rah lang ia ka Bible ban pule bad u la ong baroh kiba don jingim lah shna da u Blei nongpynim bad kampher ia kino kino ki kynum niam hynrei haba khatduh la shna da u Blei.
