(Representation image)
Katkum ka jingpyllait khubor jong ka sorkar Jylla (Meghalaya) ia kaba la pynmih lyngba ka Home (Police) Department mynta ka sngi la iathuh ba ka sorkar kan sa pynmih thymmai ia ki Police Station (PS), ki Urban Warfare Training Facility (UWTF bad ki Counter Insurgency & Jungle Warfare (CIJW), ban ioh khmih bad teh lakam ia ka shongsuk shongsain ha ki thaiñ bapher bapher jong ka jylla.
Ia ka Police Station ba thymmai yn thaw ha Bynrnihat, kaba don ha Ri-Bhoi District ia kaba yn sa tip kum ka Byrnihat Police Station.
Ki pudsawdong jong kane ka PS thymmai kin long ka Jorabat Outpost (Assam) na ki bynta ba shatei, ka Umsning Outpost/Sonapur Police Station (Assam) na Mihngi, ka Nongpoh Police Station na Shathie bad ka Khanapara Police Station na sha Sepngi.
Ia ka Urban Warfare Training Facility (UWTF) ka sorkar kala mang ban tei ha SF-10, kaba don ha Mawiong. Kane ka jaka training kan ai jinghikai kumno ban long ki nongiarap haba jia kino kino ki jingshah lynshop.
Ia ka Counter Insurgency & Jungle Warfare (CIJW) School, la buh ban tei ha Baghmara, South Garo Hills District. Kane ka jaka ai jinghikai kan iarap ban pyntbit shuh shuh iaki State Police bad ki Commando ban long kiba tbit ha ki jingiakhun sha ki bynta khlaw lane ka jingthew ia ki riew bymman sha ki khlaw ki btap.
