Ka District Magistrate jong ka East Khasi Hills District kong R.M. Kurbah, IAS, kala pynmih ia ka hukum katkum ka kyndon 163 BNSS ban khang pyrshah ia ki kali heh kiba kit palat ia ka 9 MT ban iaid lyngba ia u surok na ka shnong Thangsning-Thynroit-Mawpyrshong bad ia u surok na ka shnong Mawkynrew-Mynsang-Jatah.
La pynmih ia kane ka hukum halor ka kaiphod kaba la ioh bad ki don ki kali ba kit palat ki iaid lyngba kitei ki surok kiba hap hapoh ka Mawkynrew C&RD Block kaba la wan rah ia ka jingsniew jong u surok PWD bad ruh ki surok pohshnong bad kaba la pynthut ia ka iaid ka ieng bad buh jingma ia ki nongshnong shnong katei ka thaiñ.
Lada lap ia kino kino kiba ialeh pyrshah ia kane ka hukum kin ngat ha ka jingpynshitom katkum ka kyndon 223 jong ka BNS bad kiwei de ki jingpynshitom katkum ki kyndon aiñ.
Kane ka hukum kan treikam mardor naduh ba la pynmih ia ka tad haduh ban da pynmih da kawei pat.
