(File Photo)
Ki bor pyniaid jong ka Pynursla Sub-Division, Pynursla kila pyntip paidbah ba ia ka jingkhang kali kaba la ju don manla ka sngi ha kine ki khyndiat bnai ba la dep ha shi lynter jong ka surok hapdeng ka Laitlyngkot bad Lyngkyrdem jong ka surok bah Shillong-Dawki yn weng noh bad yn shah ia ki kali ban iaid baroh shi sngi.
Kane ka hukum kan treikam naduh ka 18 tarik u Nohprah, 2025, tad haduh ban da pynmih da kumwei pat.
La pyntip ruh ba kan don ka jingthuh hangne hangtai namar ka dang don ka jingpyntrei surok kaba malu mala ha kitei ki bynta jong ka surok, kaba lah ban pynsangeh ia ka jingiaid jong ki kali kaba 10 haduh 15 minit ei ei. Kumta la kyrpad ia ki nongleit nongwan ba kin iai long kiba phikir bad ban ai ka jingiatreilang bad ki bor pyniaid kali, iathuh ka khubor sorkar.
