U District Magistrate jong ka West Jaintia Hills u la pynmih ïa ka hukum katkum ka kyndon 163 BNSS ban bthah ïa ka jingpyndonkam ïa ki bom pataka ha ki por Khristmas bad snem thymmai ban wan, ha kaba la khang ban die, thied ïa ki bom ba la shna da ki bar ri, ki bom ba pyniasoh (joined cracker aicrase ) kiba wanrah ïa ka jingsawa bad khlaiñ bad kiba pynmih ïa ki jaboh jabaiñ.
La khang ban pyndonkam ïa ki bom kiba pynmih ïa ka jingsawa kaba palat ïa ka 125dB(A1) lane 145dB (C) Pk ha ka jingjngai kaba 4 meter na ka jaka ba bthei.
La khang ban pynbthei bom hapoh 100 meter na Hospital, ki Nursing Home, ki Primary bad District Health Care Centre, ki Educational Intuitions, ki Kashari, ki jaka lehniam bad kiwei kiwei ki jaka ba la pynbna kum ki Silent Zone da ki bor ba dei peit.
La shah ban pynbthei bom tang naduh ka por 11.55 Pm haduh 12.30
Am.
Ka jingdie ïa ki bom ding kan long tang lyngba ki nongkhaii kiba la ioh laisen bad dei ban pynthikna ba kine ki nongkhaïi kiba la ïoh laisen, kin die tang ïa kito ki bom kiba la ïoh jingbit da ka ophis jong u District Magistrate, West Jaintia Hills bad kiba bud ryntih ïa ki kyndon jong ka Central Pollution Control Board.
Kane ka hukum kan treikam noh mardor bad kan treikam haduh ban da kut ka jingrakhe Khristmas bad snem thymmai.
