Ki nongshong shnong ka shnong Daistong ki la pynpaw ka jingsngewsih halor ka jingshahkhang lynti ha ki volunteer jong ka Shree Cement Ltd kiba long ki khun ka Elaka Nongkhlieh kiba la shah thied tang ha ka dor 1000 ne 2000 tyngka.
Kumta ki pynrem jur ia kane ka jingrhah spah ka jong ki bad la kyrpad ruh ia ki bor jong ka sorkar ba kan shin khia iane ka kam ba la long beaiñ.
Ki nongshong shnong ka shnong Daistong ki la ong ba kane ka public hearing ba la long hynne ka sngi ba la pynlong da ka Meghalaya State Pollution Control Board ka dei kaba beaiñ namar ka la pynkheiñ lut ia ki kyndon ba la buh ha ka Environmental Impact Assessment Notification (EIA)2006.
Ha ka jingshisha kane ka notification kala kdew shai ba ha ka public hearing ki nongshong shnong ka Daistong ki dei ban ia don lang baroh, ki NGOs ki Environmental activist bad kiwei kiwei. Hynrei kaei kaba jia hynne ka sngi ka dei ka jingiuh roid ia ka hok ban ia pyni ia ki nia ki jutang ha kaba ia dei bad ka kam jong ka Shree Cement Ltd.
U Deputy Commissioner ka East Jaintia Hills ha ka jingshisha u la dei ban peit bniah bha ba kan don ka jingshim khia na baroh ki briew ba shah ktah bad ki NGOs ruh kumjuh.
