Ka Seng Samla Khlachympa Sports and Cultural Club, Nongtalang kala pynkhreh ban pynlong ia ka tamasa lehkmen ban ai Khublei khatduh ia u snem barim 2025 bad ban pdiang burom ia u snem thymmai 2026 da ka ban pynlong ia ka Grand New Year Celebration 2026 ha ki ar sng lynter kata ha ka 31 tarik December 2025 bad ka 1 tarik January 2026.
Ia Kane ka tamasa lehkmen snem thymmai la pynkhreh da ka Seng Samla Khlachympa Sports and Cultural Club ha ryngkat ka jingkyrsan jong ka Nongtalang Khlachympa lem bad ka jingiatrei lang ka Seng Pynryum-Lang Nongtalang Khlachympa (Seng Kynthei).
Ka jinglehkmen kan long kumba juh long manla u snem, yn don bun jait ki rangialehkai kynthup ia ki jingialehkai sport kum ka jingmareh marathon, dat mawpoint, ka phutbol na ka bynta ki kynthei, nangka yn don ka jingiakop shad bad rwai, ki quiz bad ki extempore speech. Yn don ruh ka jingsam khusnam ne ka Academic Awards na ka bynta ki samla pule ba wan shakhmat bad kumjuh ruh ka jingiakop Miss and Mr. Khlachympa 2026 bad kiwei kiwei de ki jait jingialehkai kiba pynka-it pynkasar ia ki nongshong shnong baroh.
