Ka Jowai Diocese ka sdang ka jingrakhe ia ka snem Jubilee bakhraw 2025 da ka jingpynkyntang Lyngdohniam bad Iukharist proseshon ha Nongtalang Amlarem Civil Subdivision bad pynkut mynta ka sngi ha Cathedral Parish Jowai ia kane ka jingrakhe Jubilee bakhraw 2025 da ka jingpynkyntang Lyngdohniam ia u Deacon Sambha Kyndait bad ka Proseshon Iukharist ha kaba da ki hajar ngut ki paidriewngeit napoh ka Jowai Diocese, na Archdiocese Shillong bad Diocese Nongstoin bad na kiwei de ki kynhun Niam ki la iatuid ban ia sakhilang ia kane ka sngi bad khamtam ia ka jingpynkyntang Lyngdohniam ia u Decaon Sambha Kyndait uba long u Lyngdohniam uba nyngkong eh ba ka Balang shnong Mihmyntdu ka la pynmih.
La pyndep ia ka jingpynkyntang Lyngdohniam ia u Decaon Sambha Kyndait da ka Niam ka rukom da u Most. Rev.Ferdinand Dkhar DD, Bishop ka Jowai Diocese ha ka jingiasynran lang da ki phewngut ki Lyngdohniam (Phadar) kiba wan na ki Parish jong ka Diocese bad nabar.
U Bishop Ferdinand ha ka sneng ka kraw ia u Lyngdohniam thymmai bad pynkynmaw ia baroh ki Lyngdoh u la kyntu ba kin long ki Lyndohniam kiba pyndep hok iala ka kamram ha kaba shakri ia U Blei bad iala ki parabriew. Haba kyntu ia u Lyngdoh thymmai (Fr.Sambha Kyndait) u ong “Ko Lyngdoh thymmai to long u Lyngdohniam lane Lyngdohsohblei ba kat u Lyngdohniam da shisha, u Rangkynih, u Ramgphawar na ka bynta ka Khubor babha U Trai Jisu Khrist, ban sharai ia ki paidriewngeit bad ia ki parabriew katba lah ei”.
