Ka Kynhun paidriewngeit Katholik jong ka Balang shnong Mihmyntdu ki la pynpaw ia ka jingkmen ka bakhraw ha ka jingioh jong ki ia u lyngdohniam Fr. Sambha Kyndait uba long u soh nyngkong uba ka Balang shnong ka la pynmih. Kane ka jingkmen jong ki ka paw ba naduh na iingkmie jong u na Mihmyntdu sha Madan Marianhill la lamkhmat da ki 30 tylli ki Motor Bike (Rapido) da ki phew tylli ki Kali rit bad ki spah ngut ki paidbah bad kum juh haba u mih na Madan Marianhill sha Mihmyntdu la synran bad lamkhmat ia u Phadar Sambha Kyndait da ki Motor Bike, ki Kali Rit, ki Sumo, ki Bus ha ryngkat ka shad ka kmen, ka kynhoi ka Risa ki spah ngut ki paidbah da kaba iaid kjat naduh Marianhill shaduh iingkmie jong u Phadar Sambha Kyndait kaba don ha Riatsaliya Mihmyntdu.
