Ka District Magistrate (DM) jong ka East Khasi Hills District kong Rosetta Mar Kurbah, IAS kala pynmih ia ka hukum katkum ka kyndon 163 BNSS ban khang pyrshah ia ki nongshong shnong jong ki ar tylli ki shnong kita ka shnong Nongjrong bad ka shnong Kut bad kim dei shuh ban leit pom dieng thangding na ka jaka kaba dang don ka jingiakhajia hapdeng kitei ki ar tylli ki shnong.
Ka DM kala iathuh ba lada lap ia kino kino kiba pynkheiñ iakane ka hukum kin ngat ha ka jingpynshitom katkum ka kyndon aiñ 223 jong ka BNS bad kiwei de ki kyndon katkum ba shong ka aiñ.
Katkum ka jingpyllait khubor na ka ophis jong ka District Magistrate la iathuh ba kane ka hukum kala treikam naduh ka 27-12-2025 bad kan bteng haduh ban da pynmih da kumwei pat.
