Ka KSU EJHD Unit mynta ka sngi 30/12/2025 kaba dei ka tarik sah kynmaw ia ka lyngkhuh sngi iap ba 163 u Woh Kiang Nangbah hapoh ka jingialam u Organsing Secretary Samla Deiniwan Lyngdoh, Hamewanpynhun Ryngkhlem Publicity Secretary, Cherity Suja Asst. Finance Secretary bad samla Korea Phyrngap EC member, kum ka dak ban burom ia kane ka tarik jong ka jingkhlad utei u riewshlur ka seng ka la ioh ban leh burom da kaba leit buh syntiew ha u mot dur ba shi rynïeng ba don ha phyllaw jong ka DC office ha Khliehriat.
Ka seng, kum ha kane ka sngi kam lah khlem da phai dien sha ka mynnor kaba la leit noh ha kaba ia une u khlawait ka jaidbynriew Khasi la shet shukor da kita ki langïong, khlem jingraiñ ki la kloi ban die ia u paradoh parasnam. Une u riewshlur ba lui lui ba shisur shi dur um bna ei ei. Da ka jingshet shukor ha ki paradoh parasnam, bapli u Woh Kiang Nangbah u la shah kem bad haduh ba poi u pud ba un iap ha u tyllai phasi. Ka jaidbynriew mynta ka la donkam eh ban sei ki nongialam ba shlur kiba len lade ban bud ki dienjat utei u riewshlur. Ki nongialam ki duna ki bun sa tang ki nonglilam pynkut ka kyrwoh na ka seng.
