Ha ka 30.12.2025 ka NPYF 1 Nartiang ka la pynlong ia ka All Faith meet Cum New Year Celebration kaba la khot lang ia baroh ki jait Niam ban leh burom Snem barim kumjuh ruh ban pdiang burom Snem thymmai 2026.
Ia kane ka program la pynlong ha Ummulong, Dongmihsngi ha kaba la khot lang iaki nongialam na ki niam bapher bapher.
Ha kane ka jingiakynduh la don bynta lang ki Father, Ki Pastor ryngkat wa U Pa Daloi.
La ioh ia ka jingkren na u Rev Father Aibor Denis Nongbah, uba la iaroh iaki khynnah samla da kaba ong ba ki long kiba iohi jngai kiba la pynlong ia kum kane ka prokram. Ula pynkut da kaba ai ia ki jingsneng jingkyntu ia ki nongkitkam jong ka NPYF 1 Nartiang da kaba pynkynmaw ia ki kyntien jong ka Mother Theresa kiba ong “We are not here to be successful, We are here to be Faithful.
La ioh ruh ka jingkren lyngkot na uwei u Pastor u ba la kren ai mynsiem iaki samla da kaba pynkynmaw ia ki kyntien ba ong “A service to man is a service to God” da kaba khmih lynti ba ka NPYF kan long ka nuksa ia kiwei.
Khatduh la ioh ia ki kyntien sneng na u Pa Daloi.
U President ka NPYF 1 Nartiang u Damechwa Dhar u la pynpaw ka jingsngewnguh ia baroh ki dkhot bad ula ai Khublei Snem thymmai basuk ia baroh.
