Haka jinglehkmen bad burom khatduh ia u snem barim kata haka 31 tarik December 2025 naduh dangstep haka por 5:35 a.m. la sdang daka jingiamareh marathon lawan ban shim bynta shitrhem da ki longkmie, ki Samla kynthei bad synrang, ki khynnah kynthei bad synrang kumjuh, bud sa ka ia dihsha lang haka por 7 a.m.
Haka por 9:30 a.m. sdang ka jingialehkai football hapdeng ki synrang kiba dang 14 snem shapoh (Un-14) bad ia kane la rah nam lahduh daka Khlachympa Yellow Group (Champion) da kaba pynliem iaka Khlachympa Green Group da 4-3 kol haka ia shut penalty. Nangta bud sa ka jingialehkai Tug of war hapdeng ki kynthei, Spoon-race, ka Sack-race, Musical-chair, Cock-fight bad hadien kine kaba kham shongsit bad itynnad ka long ka jingialehkai football hapdeng ki Longkmie pyrshah ia ki Samla kynthei haka por 2:30 baje nohphai sngi ha madan Sein̈-raij Nongtalang (madan Chui-radu), ha kane ka jingialehkai ki Samla kynthei kila pynliem ia ki Longkmie da 2-0 kol ban long ka lahduh (Samla kynthei).
Haka por 7 baje mynmit la sam ia ki khusnam na ka bynta ki samla pule ba wan shakhmat (Academic Awards) bad mynta ka 1 tarik January 2026 yn don ka dancing, singing bad kaba kongsan ka dei ka jingiaknieh nam Miss bad Mr. Nongtalang Khlachympa 2026.
Ka Seng Samla Khlachympa Sports and Cultural Club ryngkat bad ka Nongtalang Khlachympa Locality ka shim ruh ia kane ka kabu ban ai Khublei Snem Thymmai Basuk Bakmen ia baroh.
