Hadien ka jingpynbna ban sangeh treikam shipor ki nongtrei ka Meghalaya Asha Worker namar ka jingbym ioh ia ka jingsiew, u Mission Director ka National Health Mission u la khot iakren mynta ka sngi ka 9 tarik Kyllalyngkot 2026 ban pynshai haba iadei bad ka jingslem ka jingsiew sha ki nongtrei Asha.
Haba kren sha ki lad pathai khubor ka President jong ka Meghalaya Asha Worker Union ka Kong Mira June Marsing ka la pynpaw ba ki la ioh ia ka jingpynshai ba ka jingslem ban siew ia ka tulop ka dei ka jingthut ha ka system namar ba la pynkylla ia ka jingsiew ym dei ba ka tnad kam siew ia ka pisa sha ki Nongtrei Asha.
Nalor kata ka la ong ba ka Dr N.E Kharsahnoh, Joint Mission Director ka la kyntu ia ki nongtrei ASHA ban sangeh noh ia ka jingiakhih treikam jong ki.
Khatduh ka President ka Meghalaya Asha Worker Union ka la ong ba na ka liang ki nongtrei ASHA kin ym pat sangeh ia ka jingiakhih hynrei ki la aipor ba ka NHM ban pynbeit ia ki jingthud jong ka system bad ka NHM ka la kular ban ai hapoh ka 24 tarik u Kyllalyngkot 2026.
