Passah Working President KHNAM
Ka khun Hynniewtrep National Awakening Movement (KHNAM) ha ka 12 tarik Nohprah 2026 ki la wan kynduh ia ka EM ka tnad Law ka kong Deity H Majaw na ka bynta ban pynkylla noh ia ka AD Rule kaba 128 jong ka District Council.
Haba kren sha ki lad pathai khubor u Working President ka KHNAM u Bah Thomas Passah u la ong ba ka la mih ka jingkren halor ka jingong ban ailad ia u bar jylla ban thep vote ha District Council shwa ka Elekson sha Garo Hills.
Haba ban jur ia kane u la ong ka AD Rule 128 ka kren shaphang ka briew ne u briew ban thep vote ha District Council, Kane ka ain ka kdew ba uno uno u briew u bym dei u ST um lah ban thep vote hynrei u lah ban thep vote lada u dei u Permanent Residents bad ka AD Rule 128(3) ka kdew ba uno uno u briew uba la sah 12 snem u dei u Permanent Resident bad u uno uno u briew u bym dei u khasi u lah ban thep vote bad ban ialeh ia ka elekson MDC ha District Council.
Nalor kata u la ong ba dei na kane ka daw ka KHNAM ka sngewkhia bad ka wanrah ia ka jingeh bad ka jingma kaba khraw ia ka District Council.
Shuh shuh u la ong ba ka KHNAM ka kwah ba ka District Council kan pynkylla ia kane ka ain khnang ban khanglad ia ki bym dei ki khasi ban wan thep vote ha District Council bad kumjuh ban wan tuklar ia kam hapoh ka District Council .
Nalor kata u la bynrap “lada ki nongthaw ain kim treh ban iada ia ka District Council da ka ain lehnohei ka jinglong nongthaw ain” bad lada wan ka jingmynsaw ka jingkit khlieh ka leit sha kine kiba ka KHNAM ka la dep phah da ka jingthoh halor ka jingdonkam ban pynkylla ia ain ban nym ailad ia ki bar jylla ban thep vote ha District Council.
Khatduh u la ong ba na ka liang ka EM ka tnad ain kan sa ia kren bad ka EC jong ka Council ba kin leh ia kaba donkam halor ka jingpynsngew jong ka KHNAM.
