Mynta ka sngi u MLA ka 1 Nartiang u ma Sniawbhalang Dhar u la pdiang burom ia ki Nongkitkam jong kiwei ki seng saiñ pyrthei, kynthup jong ka Congress bad ka VPP.
Haba ia kren bad katto katne na kine ki Nongkitkam ki la ong ba kim pat ju kyrshan lano lano ruh ia u MLA hynrei haba ki peit iaki kam kiba u la leh bad ka roi ka par ha ka constituency bad ha ka shnong jong ki ka pynlong iaki ba kin wan iasnoh bad NPP.
Naka Liang u MLA u ma Sniawbhalang u la ong ba u pdiang da ka burom ia ki baroh bad u da ong ruh “Ba naduh mynta ka sngi phi dei ki jong nga bad nga dei u jong phi, ia kiei kiei baroh ba la dep ngin ia klet noh bad ngin iatrei lang nangne shakhmat na ka bynta ka jingbha jong ka lawei jong ka Shnong”.
