Khnang ban pynkhlaiñ shuh shuh ïa ka jingshakri paidbah ha kaba ïadei bad ka jingïada, jingpynïoh bam bad ban pynshai sha ki paidbah jong ka Public Distribution System (PDS), lyngba ka ophis jong u Deputy Commissioner (Supply), East Jaintia Hills District, ryngkat bad ka Meghalaya State Food Commission, Shillong, ki la pynlong ïa ka Regional Camp na ka bynta ka thaiñ Jaintia Hills ha Dkhiah West Community Hall.
Ha kane ka programme la ïa don lang da u Chairman ka Meghalaya State Food Commission, u bah D P Wahlang, IAS (Retd), kum u kongsan, u Deputy Commissioner, West Jaintia Hills District, u Abhinav Kumar Singh, IAS, SDO Amlarem, ka kong Vevotulu Kezo, IAS, ryngkat bad ki heh ophisar na East bad West Jaintia Hills District, ki nongdie Fair Price Shop (FPS), ki nongtrei Anganwadi bad kiwei de.
Haba kren ha ka jingïalang, u bah Wahlang u la ong ba kane ka prokram ka thmu ban pynsngewthuh ïa ki paidbah shaphang ki hok jong ki hapoh ka National Food Security Act (NFSA), 2013. U la batai ruh ba ka jingïada jingïoh bam ha Meghalaya la pyniaid lyngba ka PDS, ka PM POSHAN na ka bynta ki khynnah skul bad ki Anganwadi na ka bynta ki longkmie ba armet bad ki khynnah. U la pynpaw ba ka jingïada jingïoh bam kaba biang ka dei ka hok paidbah
U Member ka Food Commission, u Dr. M. Tyngkan, u la ban jur ïa ka jingdonkam jong ki prokram da kaba pynsngewthuh ïa ki paidbah shaphang ki skhim jingïarap jong ka sorkar bad ka jingïatreilang jong ka Food Commission. U la kren ruh shaphang ka jingdonkam jong ka jingïoh bam kaba don ryngkat bad ki jingbam (nutrition), na ka bynta ban ioh ka met ka phad kaba koit ba khiah bad ki jingmut jingpyrkhat ba shait ba khlaiñ,
