U Pastor Rangbah jong ka Balang Church of God, Iongpiah, Jowai mynta ka sngi 24 tarik u January 2026, u la pynkyntang ia ka jingsdang jong ka kam ban tei ia ka skul Welcome Gayang Memorial School cum TESPRO (Theological Extension Study Programme) Centre ha Khliehmynkrem, Khliehtyrshi, West Jaintia Hills District, hapdeng ka jingdon ryngkat ki Dkhot ka Balang bad ki nongpule ka TESPRO. La ia don ryngkat ruh u Waheh Shnong ka Khliehtyrshi.
U Pastor u la pynpaw ia ka jingsngewnguh ia u Blei uba la ialam lynti lyngba ki snem baroh bad u la ai khublei ruh ia baroh kiba ia kyrshan ia kane ka kam. Hadien ka jingduwai u Rev.J.M. Nongpluh, baroh kiba ia don lang, ki la ia hiar ban duwai kyrkhu bad pynkyntang ia u paia ba nyngkong. Kum ka dak jong ka jingsdang ia ka jingtei, la ianoh dewbilat ha u paia, da ka jinglamkhmat u Rev. Dr. Tongper, i Rev, Dr.Wakiru Kyndiah, Rev Nongpluh.Baroh ki Dkhot ka Balang bad ka TESPRO ruh ki la don bynta da ka jingkmen.
[Ka dur-plan jong ka skul]
