La rakhe ia ka 77th Republic Day jong ka Ri India da ka jingkmen bad jingburom ha Amlarem Government Primary School Playground, kaba la pynlong da ka Ophis jong ka Sub-Divisional Officer (Civil), Amlarem Civil Sub-Division.
Ia ka prokram la pynshongshit da ka jingwan shim bynta jong u Bah Nujorki Sungoh, MLA, kum u Chief Guest bad la pyniaid ia ka prokram hapoh ka jingpeit jingkhmih jong ka Sub-Divisional Officer (Civil), ka Vevotolu Kezo, IAS. La don bun ngut ki ophisar na ki tnat bapher bapher, ki skul, ki nonghikai, ki khynnah skul bad ki paidbah kiba la wan ban shim bynta ha kane ka sngi.
Ka jingrakhe ka la sdang da ka jingpynher ia ka lama ri (National Flag), ka Guard of Honour bad ka National Anthem, bud sa ka March Past kaba itynnad eh na ki kynhun Pulit Meghalaya bad ki skul bapher bapher, kaba la pynpaw ia ka jinglong discipline bad ka jingïatylli.
KI NONGJOP HA KI KOMPITITION
March Past (Skul Category):
- 1st: Mang Hai Ryum Higher Secondary School, Amlarem
- 2nd: Sohkha Government Higher Secondary School, Sohkha
- 3rd: Nongtalang Government Higher Secondary School, Nongtalang
Cultural Programme:
- 1st: Mang Hai Ryum Higher Secondary School, Amlarem
- 2nd: Lyea Rhen Dimiat Village Organisation, Padu Mawsku
- 3rd: Thangbuli Upper Primary School
Tableau Presentation (Departmental Category):
- 1st: Sub-Divisional Agricultural Officer, Amlarem
- 2nd: Block Development Officer, Amlarem
- 3rd: Sub-Divisional A.H. & Veterinary Officer, Amlarem
Hynriew tylli ki department ki la shim bynta ha ka tableau presentation ban pynsngewthuh paidbah halor ki phang ba kongsan kum ka jingïada ia ka koit ka khiah paidbah, ki lad jingïoh jingïarap paidbah, Jal Jeevan Mission, jingïada ia ka mariang, ki jingïoh jingïarap lyngba ka NRLM bad ka jingïathuh paidbah halor ka hok vote.
KI SPECIAL AWARDS BAD FELICITATION
Ki khusnam ba la ai da u Block Development Officer, Amlarem:
- Best Performing Self Help Group: Deimonlang Self Help Group, Mupyut
- Best Performing Anganwadi Worker: Kong Aidaroi Khyriem
Ki khusnam ba la ai da u SDM&HO-cum-Block Medical Officer, Amlarem Block:
- Dr. Fernandez Lamin, Senior Medical & Health Officer, In-Charge Jarain
- Kong Lumlang Pohthmi, MLHP, Khonglah Sub-Centre
- Kong Aletorisa Nongjngi, MLHP
Ha ka jingkren jong u, u Chief Guest u la ban jur halor ka jingdonkam ban burom ia ka Constitution, ban kyntiew ia ka jingïatylli, ka jingkitkhlieh paidbah bad ban pynshlur ia ki samla ban shim bynta ha ka jingtei ïa ka ri. U la pynpaw ruh ia ka jingsngewnguh ïa baroh ki department, ki skul bad ki paidbah kiba la ïatreilang ban pynlong ia kane ka jingïarakhe kaba jop.
Ka prokram ka la kut da ka jingïasam ia ki khusnam bad ki certificate, bud sa ka vote of thanks. La pynkut ia ka jingrakhe da ka jingïakren paidbah: “Jai Hind, Khublei Shibun, Mitela.”
