Ka Akhil Bharatiya Vidyarthi Parishad Nongpoh Town unit ka ka ioh ban pynlong ia ka tamasa lehkmen da kaba pynlong ia ka football tournament kaba 3 sngi kynthih hapoh ka Shnong Marngar ha Marngar Sports Association Ground.
Kane ka jinglehkmen ka la sdang naduh ka 23 tarik haduh ka 25 tarik jong u bnai January. Ha kane ka jinglehkmen la wan ban ia shim bynta da ki 16 tylli ki teams ban ialehkai ha kane ka Tournament naduh ka Sngi banyngkong haduh ka sngi ba khatduh. Ha kane ka jingialehkai la ioh ban rah ia ka thong ne ka nam lahduh da ka Borkhatsari Fc da kaba pynliem noh ia ka Umtham FC da 3 la 2 kol.
Ha ka jingialehkai final jong kane ka tournament la ia don lang ruh U Secretary shnong jong ka Shnong Marngar, u Secretary jong ka Marngar Sports Association bad u State Secretary jong ka ABVP u Shri. Bomsing Khongtir.
Ha kane ka tamasa la ia wan ban ia shim bynta shongshit da ki samla na ki shnong bad ki clubs bapher bapher jong ka Area ba don hapoh ka Ribhoi-District.
