Ka ophis District Legal Services Authority (DLSA) ha ka jingiatreilang bad ka District Child Protection Officer, Jowai kila pynlong ia ka jingrakhe ia ka National Girl Child Day da kaba pynlong ia ka jingpynsngewthuh paidbah halor ka prokram ba 100 sngi halor ka phang “Prevention of Child Marriage” ha ka shnong Saphai, West Jaintia Hills District.
Ha kane ka prokram la pynshai paidbah halor ka jingdonkam ban sngewthuh shaphang ka jingshongkha khynnah bad shaphang ka aiñ POCSO, kumjuh ruh shaphang ka jingkitkhlieh jong ka District Child Protection Office bad ka Child Labour.
Ka la don ruh ka jingiaphylliew jingmut bad ka jingkylli jingkylli hapdeng ki nongwan sha kane ka prokram bad ki riew shemphang jong ka ophis.
