Kawei na ki longkmie na ka shnong Muktapur ka kong A. Buam kaba dei ka trai jaka kala ïam kthang namar ka jingtieng ïoh duh ei ki jaka rep jong ka kiba juh bsa ja ïa ka ïing ka sem naduh kipor mynshwa.
Kane ka longkmie hashwa ban ai jingkren haka jingïalang bala lum mynta ka sngi 27 tarik hajan ka Border Security Force BOP Jaliakhola, kala ong kum ka trai jaka kaba bat ïa ka hok ka kynti kala pynpaw ka jingsngewsih bad pyrshah jur ïa kane ka jingleh ka sorkar ban shna surok na ka bynta ban ker sainar shiah.
Kala ong naduh ki por ba sdang jong ka jingker sainar shiah kum ka trai jaka ha ryngkat ka Co-Ordination Committee on International Border (CCIB) bad kiwei de ki riew rangbah, kila ïamih ban ïeng pyrshah ïa kane ka jingthmu, hynrei mynta ka kynti kila leh khlem da ai jingtip sha ki trai jaka.
Kala pynrem jur ba mynta kala don ka jingïapher jingmut hapdeng u Dolloi ka Elaka Satpator ma Daman Lakashiang bad u ïeng ha kano ka nongrim ong katei ka longkmie. Kumta ka kwah ba kum u kpa u dei ban ai jingpynshai halor kane ka jingthmu ker sainar shiah katkum ka jingkam jong u ïa kitei ki jaka ki puta.
Lada um lah ban pynshai halor kano ka nongrim, kum ki khun kim banse ban ïaleh pyrshah bad la u kpa namar ka jingduh ïa ka hok ka kynti. Kala kren shai ‘lada ka duh ïa ka jaka ka dei ban duh da ka jingsngewthuh ym da ka jingbymsngewthuh’ pynkut katei ka longkmie.
