U bah Hally War, 69 snem ka rta, u dei uwei na ki rangbah uba la wan rah ia ka nam bad ka burom ia ka jylla Meghalaya, uba na ka shnong Siej kaba don hajan Sohra (Cherrapunji), jylla Meghalaya, la pynkup burom ïa u da ka khusnam ba kyrpang kaba la tip kum ka Padma Shri Award ha u snem 2026 kaba dei kawei na ki jingai khusnam kaba heh hapoh ka ri India. Ka jingioh jong u ia kane ka khusnam ka long namar ka jingdon bynta jong u ha ka jingri jingïada bad ka jinghikai ïa kiwei pat ha ka rukom shna bad pynneh pynsah bad sumar ïa ki Jingkieng Jri (Living Root Bridges), ha kaba u la lah ban sumar ïa kine ki jingkieng ba im bad kiba nang san la palat san phew snem.
U bah Hally War u dei shnong trai na Shnong Siej, East Khasi Hills District, Meghalaya. Une u rangbah u la sumar bad pynroi ïa ki jingkieng jri ba im kiba la shna na ki dieng rubber fig (Ficus elastica), da kaba trei kum u nongri bad nongïada ïa ki, na ka bynta ka jingmyntoi ki paidbah bad jingïadei bad ka mariang bad ki jingitynnad jong ka.
La pynkup burom ïa u bah Hally namar ka jingaiti jjong u ban sumar jong u ia kitei ki jait jingkieng kiba iadei bad ka mariang kumjuh ruh ka jingpaw nam jong ka ri bad ka jaitbynriew Khasi. Ka jingtrei jong u ka la ai jingïarap ha ka jingkyntiew ïa ka eco-tourism bad ka jingïada ïa ka mariang.
U Myntri Rangbah ka jylla Meghalaya, u Conrad Sangma, u la ai jingïaroh ïa u bah Hally War kum u riew rangbah ba shisha jong ki riti dustur ka jylla, da kaba u pynpaw ïa ka jingburom kaba jylliew jong u ïa ka mariang.
