Ki khynnah pule kiba iakhun ia ka examin SSLC 2026 ki don haduh 48,793 ngut bad 30,044 ngut ki khynnah pule kiba iakhun ia ka examin HSSLC 2026 ba la pynlong da ka Meghalaya Board of School Education (MBOSE).
Katkum ka jingkheiñ ba la ioh na u Director ka MBOSE u Bah M. Marbaniang u la iathuh ki khynnah pule kiba iakhun ia ka exam SSLC 2026 ha ka regular 1 ki don haduh 30,151 ngut bad na kine ki 12,310 ngut ki dei ki shynrang bad 17,841 ki dei ki kynthei. Ki Regular 2 ki don 16,474 bad na kine 6755 ngut ki dei ki shynrang bad 9719 ngut ki dei ki kynthei, ki khynnah kiba iakhun Private ki Don 1064 ngut kata 570 ngut ki shynrang bad 494 ngut ki kynthei, ki Non Regular ki Don 495 ngut 301 ngut ki dei ki shynrang bad 194 ngut ki dei ki kynthei. Kiba iakhun ia ka Improvement ki Don 5 ngut bad ki Compartmental ki Don 604 ngut bad baroh ki long 48,793 ngut baroh ki khynnah pule kiba iakhun ia ka Examin SSLC 2026.
Haba phai sha ki khynnah kiba iakhun ia ka HSSLC 2026 ki long 23,762 ngut na na Arts Stream, 3779 ngut na ka Science Stream bad 2482 ngut na ka Commerce Stream bad 21 ngut na ka Vocational Stream.
Ki khynnah kiba iakhun ha ka Arts Stream ki don haduh 23,762 ngut bad napdeng kine ki shynrang ki don haduh 9360 ngut bad ki kynthei ki don haduh 14,402 ba kynthup ia ki Regular ki Private, Ki Non Regular, Improvement bad Compartmental.
Ha ka Science Stream ki khynnah pule kiba iakhun ki don 3779 ngut bad na kine 1460 ngut ki dei ki shynrang bad 2319 ngut ki dei ki kynthei bad la kynthup lang ia ki Regular 1, Regular 2, ki Private, ki Non Regular, Improvement bad Compartmental.
Ha ka Commerce Stream ki khynnah pule kiba iakhun ki don 2482 ngut bad napdeng kine 1440 ngut ki dei ki shynrang bad 1042 ngut ki dei ki kynthei bad la kynthup lang ia ki Regular, Ki Private, Ki Non Regular, Improvement bad Compartmental.
Ha ka Vocational ki don 21 ngut bad 12 ngut ki dei ki shynrang bad 9 ngut ki dei ki kynthei la kynthup ia ki Regular ki Private, ki Non Regular Improvement bad Compartmental.
Ki jaka thoh exam jong ka SSLC ki don haduh 97 tylli ha Shillong bad 74 tylli ha Tura.
Ki jaka thoh exam HSSLC ki don haduh 72 tylli ha Shillong bad 42 tylli ha Tura.
