Ka Jaiñtia Fishing and Environment Protection Association (JFEPA), Jowai ka la maham tyngeh pyrshah ia kino kino kiba pyniap dusmon ia ki dohkha ne ki doh um doh wah kiba don ha ki bynta jong ka Fish Sanctuary jong ka wah Myntdu bad kumjuh ruh ha baroh shi lynter ka wah Myntdu, kum da kaba shoh Kharu, beh Jar, beh Kynjun ne da kaba pyniap ia ki dohkha da kaba shoh ia ki maw ha ka wah ba shong ba sah ki dohkha doh pnat.
Ka Association ka la kyrpad ruh ia kino kino kiba iohi ne lap ia kiba leh ia kum kane ka kam ia ki dohkha, kin sngewbha ban pyntip mardor sha ki nongkit kam ne sha ki dkhot ka JFEPA. Ia kino kino kiba lap bad kiba ai jingtip sha ka Association, ka Association kan ai Buskit ia ki bad ruh kam ym pynpaw satia ia ka kyrteng jong ki nongai jingtip.
Ha ka juh ka por ka Association ka kyrpad ia baroh ki riew ieit khwai dohkha ban iatrei lang bad ka seng. Ia kane ka khubor la phah da u President ma D.H. Pde bad u General Secretary ka JFEPA ma M. Challam.
