Ka President jong ka Meghalaya Asha Worker Union ka Kong Mera June Marsing haba kren sha ki lad pathai khubor ha ka 2 tarik Rymphang 2026 ka la pyntip ba ka Pisa kaba dang sah jong ki Nongtrei Asha ka long 4 klur 82 lakh 65 hajar tyngka.
Ia kane ka la pyntip hadien ka jingong u Myntri ka tnad ka koit ka khiah u Bah Wailadmiki Shylla ba ka pisa jong ki nongtrei Asha lah dep ban pyllait lut hynrei ka la pyntip ba ka pisa kaba dang sah ka long 4 klur 82 lakh 65hajar tyngka bad kane ka Pisa ka dang sah ha ka tnad ka koit ka khiah.
Shuh shuh ka la ong ba ka jingong u Myntri ka tnad ka koit ka khiah ba ka jingduna ka dei jong ki nongtrei Asha ka long ka bym lah ban pdiang namar ka Pisa haduh mynta kaba dang sahkut ha katei ka tnad khlem da siew dep ia ki nongtrei Asha.
Na ka liang ka President ka MAWU ka la kyrpad ia u Myntri ka tnad ka koit ka khiah u Bah Wailadmiki Shylla ba u dei ban pynshai haba iadei bad ka jingsahkut ka tulop jong ki nongtrei Asha hadien ba u Myntri ka tnad ka koit ka khiah u ong ba la dep ban pyllait lut Ia ki tulop jong ki nongtrei Asha.
Kum ban shu pynkynmaw ki nongtrei ka Meghalaya Asha Worker Union ki la pynlong ia ka jingsangeh treikam hadien ba kim ioh ia ka tulop la palat 6-7 bnai.
