Ka Sub-Divisional Disaster Management Authority (SDDMA), Amlarem, West Jaintia Hills District, kan pynlong ïa ka Mock Exercise halor ka jingjia na ka jingkhynñiuh u Jumai (Earthquake Disaster) ha ka 9 tarik Rymphang, 2026, ha madan ialehkai jong ka Amlarem Secondary School, Amlarem.
Ka jingpynlong ia kane ka mock exercise ka long shi bynta ban ioh pynkhreh da kiba don bynta lada jia ba khie u jumai. Ka long ruh shi bynta ban ai ka jingpynsngewthuh sha ki paidbah bad ki tnad sorkar bapher bapher ban tip ia ki Standard Operating Procedures (SOP) ha ka por ba jia kane ka jinglynshop.
La pyntip sha baroh ki paidbah nongshong shnong ba kane ka mock exercise ka long tang ka jingpynkhreh kumta kim dei ban sheptieng. La khot ia ka jingiasnohkti lang jong ki tnad sorkar bapher bapher, ki jaka pule bad ki nongshong shnong ban pynlong ia kane ka jingkilan kaba jop.
Kane ka long katkum ka kyrwoh bala pyllait na ka ophis Sub-Divisional Officer (Civil), Amlarem Sub-Division, Amlarem.
