Kat kum ka khubor bala iohlum la iathuh ba ka la don kawei ka jingjia bthei bomb Dynamite kala jia mynta ka step 5/2/2026 ha kawei ka krem dewiong ha Thangskoo, East Jaintia Hills District, ha kaba la suba jur bun ngut ki briew ki la iap bad mynsaw na katei ka jingbthei.
Haduh ba thoh ia ka khubor ym pat lah ban tip haduh katno ngut ki briew kiba la khlad na kane ka jingbthei. Napdeng kine kila don ruh kiba la mynsaw ha kaba la leit pynkit ia ki sha Sutnga CHC bad Civil Hospital Khliehriat ban ioh jingsumar.
Na ka liang jong ki pulit kila wan poi sha kane ka jaka ba jia ka jingbthei bomb Dynamite bad mynta ki dang wad ki lad ki lynti ban lap ia baroh ki briew kiba la iap bad kiba la mynsaw ha kane ka jingjia, kumjuh ruh ka jingtohkit halor kane ka dang iaid shakhmat.
Kham hadien ba la ioh jingtip na u SP ka East Jaintia Hills District u Vikash Kumar, IPS, ula iathuh ba ki haduh mynta la lap ba ki don 4 ngut kiba la iap na kane ka jingjia bad u wei u la mynsaw.
