Ka khubor Pulit la iathuh ba napdeng kiba mynsaw jur ha ka jingbthei ki bom Dynamite hynnin ka sngi la leit kit sha ki jaka sumar ba don ha nongbah Shillong.
U Dawa Sherpa, 54 snem ka rta ula mynsaw ing ding haduh 70% ka met jong u. U Raju Tamang, 34 snem ula mynsaw ing ding haduh 60% ka met jong u.
Ia kine ki ar ngut la leit buh shwa ha Woodland WK Hospital, Jowai bad hadien katto katne por la pynkynriah noh ia ki sha Woodland Hospital, Shillong na ka bynta ka jingsumar ba kham biang.
U Kojin Koran uba la mynsaw kumba 60% la leit buh shwa ha Ialong Civil Hospital, Jowai, kham hadien pat la phah kit ia u sha NEIGRIHMS, Shillong ban ioh jingsumar ba kham biang shuh shuh.
U Ramesh Busnat, 51 snem ka rta u la ing ding kumba 54% ha ka met jong u. Ia u la pynkit shwa ha Woodland WK Hospital, Jowai, hadien kata da ka jingkwah jong u hi la pynkynriah noh ia u sha Jowai Civil Hospital, Ialong.
