U Deputy Commissioner jong ka East Jaintia Hills District, u Manish Kumar, IAS, ula phah ia ka jingpyntip sha u Chief Secretary jong ka sorkar Jylla ban pyntip ba la pynsangeh noh ia ka jingwad ia ki met iap ha ki jaka ba la jia ka jingpynbthei bom Dyanamite ha Mynsngat Thongsko jong ka East Jaintia Hills District.
La iathuh ba la pynsangeh noh ia kane ka jingwad ka long ba hadien ki kynhun ai jingiarap ki NDRF, ki SDRF, ki SRT bad ki traishnong da ka jingiasngewthuh lang kila shim rai ban sangeh noh namar ba ym shym la lap shuh ia ka met iap ha ki ar sngi kata ha ka 8 bad 9 tarik.
Dei haduh ka por 5:00 baje janmiet jong ka 9 tarik ba la sangeh ia ka jingwad ym shym la lap shuh ba dang don ki met iap.
Kumta ki bor District jong ka East Jaintia kila pyntip ba la pynsangeh noh ia kane ka jingwad met iap ha katei ka jaka ba jia ka jingbthei.
