Ka Ophis u Sub-Divisional Officer (Civil), Amlarem Sub-Division, haka jingïatreilang bad ka Amlarem Sub-Divisional Sports Association (ASSA), kin pynlong ïa ka Amlarem Golden Jubilee Marathon 2026 haka 7 tarik u Lber, 2026 shi bynta na ka jingrakhe dap 50 snem ka Amlarem Sub-Division.
La pyntip ba ki thup jingïakop ki long haka Senior Boys (16 snem shaneng) ka jingngai ban mareh ka long 10 Kilometre, ka jaka sdang na Pdengshakap naduh ka por 5 baje mynstep. Ha ka liang ki Senior Girls (16 snem shaneng) ka jingjngai ka long 7 Kilometre (Revised), ka jaka sdang na Amtasam por 5 baje mynstep, baroh ar tylli kine ki jingmareh yn pynkut ha ophis Sub-Divisional Officer (Civil), Amlarem.
Ka khusnam ka long ïa kiba wan nyngkong ka long 10,000/- hajar, ba ar 7,000/- hajar bad ba lai 5,000/- hajar tyngka. Tang ki nongshong shnong kiba hap hapoh ka Amlarem Civil Sub-Division ki lah ban ïashim bynta bad ki dei ban don 16 snem shaneng. Ha ka juh ka por ki hap ban wanrah lang ïa ki kot pynshisha kum ka EPIC ne Aadhaar Card bad ka Birth Certificate.
Na ka bynta ka jingtip ba kham bniah ki lah ban phone ha u ma Wansuk Lamin Working President ASSA, ma Dapmon Tariang Secretary ASSA 8974405178, ma Shngainlang SutingSports Secretary, ASSA 6009446593 bad Wanribhaki Tariang Working Member, ASSA 8131800639.
La pynkynmaw ba ki nongïashim bynta baroh ki dei ban wan poi biang por ha ki jaka sdang haka por 5 baje mynstep, la kyntu ruh ban ïatreilang bad ki ophisar na ka bynta ka jingïaid beit jong kane ka jingïamareh Marathon.
