Ia kane ka Fight night yn pynlong da ka Meghalaya Cage Fight ha ka 6 tarik Lber 2026 naduh ka por 4 PM haduh ka por 10PM ha Indoor Sport Hall Chutwakhu Jowai.
Haba kren sha ki lad pathai khubor na ka liang u President ka Meghalaya Cage Fight u bah Samborlang Lyngdoh u la pyntip ba ka Meghalaya Cage Fight ka la rai ban long da ka Fight night kaba shi sngi ha Indoor Sport Hall Chutwakhu ha kaba la ai kyrteng ruh ia ka da ka thma ha Jowai.
Nalor kata u la ong ba ki jylla ki ban iashim bynta ha kane ka Fight Night ki kynthup ia ka jylla Mizoram, Arunachal Pradesh, Assam, Nagaland Tripura, Uttarakhand, Madhya Pradesh, Maharashtra, Manipur bad ka jylla Meghalaya.
Kumba 10 ngut ki khynnah ialehkai ka jylla kin mihkhmat ban iashimbynta ha kane ka jingialehkai kynthup u Daniel Khyriem.
Kumta u khot u wer Ia ki paidbah ban wan ai jingkyrshan haba iadei bad kane ka jingialehkai Meghalaya Cage Fight ka ban sa long ha Jowai ha ka 6 tarik Lber 2026.
Ia ki ticket lah ban ioh na jaka ialehkai ka ban sa long ha katei ka sngi ialehkai bad na kiwei kiwei ki jaka kum ha JoJo Dulong, Liza Bakes, Sports Orbit, Quick Bites, Jowai Town Bistro bad na Blue Heaven Restaurant.