Ka Hynniewtrep Integrated Territorial Organisation(HITO), hadien bala dep ban pan jingpynshai naka tnad Mining and Geology halor ka jingithuh ne ai jingbit iaki hynniew tylli ki Cement Company na Jaiñtia Hills, haduh 3 klur 28 lakh tam tons u Mawshun kum uta uba shu mih ryngkhat ne (Incidental Limestone), naka liang ka seng haka 9 tarik Nohprah 2025, kala dep pan iaka jingpynshai naka sorkar jylla hakano ka khyrnit jong ka Mines and Minerals (Development and Regulations) Act, 1957 kaba kdew ba ka sorkar Jylla kalah ban ai jingbit iakino kino ki marpoh khyndew khamtam ia u Mawshun uba pyndon kam daki kharkhana dewbilat kumuta u ba shu mih ryngkhat ne (Incidental)
Hynrei naka liang ka sorkar Jylla haduh mynta kam pat lah ban ai iaka jubab, naka liang ka seng kala shim iaka sein jam ban ujor shi syndon sha u myntri ka sorkar Pdeng u Kishan Reddy u myntri ba dei peit iaki jingtih marpoh khyndew mynta ka 16 tarik Rymphang 2026.
Shuh shuh u General Secretary ka seng u bah Wanbun Dkhar u la ong ba ka jingithuh ne jingbit haka thup Incidental ia u Mawshun sha ki Cement Company ka pynkha roi iaka jingtih Mawshun be-aiñ (Illegal Mining), namar katkum ka RTI bala ioh daka seng la lap ba ki don tang 35 tylli ki mining lease naka bynta u Mawshun haka thup minor minerals ha East Jaiñtia Hills bad 18 tylli ha West Jaiñtia Hills District, katba ki par Mawshun kiba pyntrei ki don da ki spah tylli bad kane ka long kaei kaei kaba ka sorkar ka hap ban leh ei ei namar kane ka wan rah iaka jingduh nong ka sorkar naki khajna marpoh khyndew. “Kane ka long kumba ngi la sa khi lyngba ka incidental approval ka sorkar Jylla” ong u bah W. Dkhar.
