Shi bynta na ka programe 100-Days Intensive Awareness Campaign, na ka bynta ka Child-Marriage Free Bharat, hapoh ka National Legal Services Authority (NALSA)’s ASHA (Awareness, Support, Help and Action) SOP bad ka Bal Vivah Mukt Bharat Campaign, ka District Legal Services Authority (DLSA), East Jaiñtia Hills ki la pynlong ïa ki Legal Literacy Programmes-cum-Street Plays ha ka shnong Ratacherra bad Umkiang ki shnong kiba hap hapoh ka Lumshnong C&RD Block, East Jaiñtia Hills District.
Ha kane ka prokram la donlang ka Chief Legal Aid Defence Counsel ka kong R. Manar, ki Legal Aid Counsels, ki ophisar jong ka DLSA bad kiwei. Ha ka jingpyni paidbah ha surok da kaba lehkai (street play) la pyni shai ïa ki jingma bad ia ki jingpynshitom katkum ka aiñ halor ka jingshong kha khynnah, da kaba pyni ïa kawei ka jingjia ha kaba ka jingïathoh jong ka khynnah rit ka la wanrah shaduh u pud jong ka jingshah kem ha ki bor jong ka aiñ.
Haba kren sha ki paidbah, ka kong Manar ka la batai shaphang ki kyndon jong ka “Prohibition of Child Marriage Act bad ka POCSO Act”, da kaba ban jur ba kino kino kiba don hapoh 18 snem ka rta kiba ïashong kurim, ka long ka jingleh pyrshah ïa ka aiñ bad lah ban shah pynshitom. Ka la kyntu ïa ki paidbah ba kin pyntip ïa kum kine ki jingjia lyngba ka Child Helpline 1098 ne ka Toll-Free Number 15100.
