Ka Khasi Hills Autonomous District Council (KHADC) ka la sdang ia ka dorbar mang tyngka kaba lai sngi, kaba la sdang naduh ka 18 tarik u Rymphang 2026 bad kan kut noh ha ka 20 tarik Rymphang 2026.
Ha kane ka dorbar, u MDC na Mawkynrew u bah Seiborlang Warbah uba dei ruh u Executive Member (EM) ba dei peit ia ka tnad pla pisa u la wanrah ia ka mang tyngka kaba 36.99 klur na ka bynta lai bnai (vote of Account) 2026-2027.
Ka Executive Committee jong ka KHADC kaba la ialam da ka Voice of the People Party (VPP) ka la tyrwa ia ka jingkhein ia ka jingpynlut kaba kot sha ka ₹36,99,83,830.
Ia ka mang tyngka kaba pura jong u snem 2026-2027 yn sa wanrah ha ka sien shong dorbar ka ban sa wan la pyntip u EM.
Ia kane ka mang tyngka la buh na ka bynta 3 bnai naduh ïaiong 2026, haduh Jylliew 2026.
Ka jingai bynta katkum ka tnad Ïa ka jinglut kaba lai bnai la sam hapdeng ki tnad treikam bapher bapher jong ka Council ki long
Ka tnat synshar paidbah – ₹9,14,51,600
Ka tnad aiñ – ₹18,53,920
Ka tnat mang tyngka bad pla tyngka – ₹2,76,64,360
Ka tnad khlaw – ₹2,84,41,860
Ka tnad bishar – ₹1,80,43,850
Ka tnad thaw ain – ₹2,36,39,150
Ka tnad pule puthi – ₹4,11,520
Ka tnat pynroi – ₹16,24,94,700
Ka tnad jingïada ïa ka jaka – ₹1,59,82,870
Haba iadei bad Kane ka mang tyngka ba 3 bnai la kynthup lang ia ka jingpynlut ha ka jingsiew tulop ki nongtrei ka council, ki ophisar, ki nongbishar, ki nongtrei ha ki tnad treikam bapher bapher kynthup ia ki nongtrei ba la shongthait jong ka Council bad kumjuh haba iadei bad ki jingpynlut ia ki kam pynroi bad kiwei kiwei ki jingdonkam jong ka Council.
