Ka Meghalaya State Skill Development Society (MSSDS), ka la sdang ïa ka jingbatai halor ka rukom thung kam ne ka (Recruitment Drive) kaba ar sngi ha ka 19 tarik u Rymphang, 2026, ia kaba la pynlong ha ophis u Deputy Commissioner ha East Jaiñtia Hills District, ban ai lad ban tip shaphang ka rukom ïoh kam iohjam khamtam ïa ki samla.
Ïa kane ka prokram la plie paidbah da u Additional Deputy Commissioner, u bah A. Nongbri, ha ka jingdonlang ki ophisar na ka MSSDS bad ITI Khliehriat. Haba kren ha kane ka sngi, u bah Nongbri u la ai mynsiem ïa ki samla ban shim ia kane ka kabu ïa ki rukom ai jinghikai pyntbit bad ban jied ïa ki kam kiba ïadei bad ka sap jong ki, khnang ban ïoh ia ka kam kaba skhem ne ban sdang la ka jong ka kam.
U Skill Development Officer, u Boimi Dkhar u la pyntip ba ka MSSDS ka la ïatreilang bad bun ki nongpyniohkam (Employer) ban pynïoh kam ïa ki nongaplai bad kane ka dei ka sien kaba nyngkong ba ka MSSDS ka pynlong ïa kum kane ka prokram (Recruitment Drive) ha ka district. Ha kane ka prokram la ïoh pdiang haduh 200 tylli ki application. Kine ki lad jingïohkam ioh jam ki don ha ki bynta bapher bapher kum ka Hospitality bad Hotel Management bad don ruh ka lad ban leit trei sha bar ri kum sha Singapore, Japan bad Germany.
