U Lamphang jong ka Meghalaya Legislative Assembly u Thomas A. Sangma mynta ka sngi ula pyntip ba ia ka jingshong Dorbar mynta ka sngi 20/02/2026 la hap ban pynsangeh noh, ia kane ka rai la shim ha ka jingialang ba kyrkieh jong ka Business Advisory Committee (BAC) halor ka jingburom ia ka jingkhlad kyndit jong u MP ka Shillong Parliamentary Constituency u Dr. Ricky Andrew J. Syngkon.
U Lamphang ula pyntip ba kan don ka jingiakynduh jong ka dkhot ka ïing Dorbar na ka bynta ban pynpaw ia ka jingsngewlem halor ka jingkhlad noh utei u MP, bad hadien kata yn pynsangeh ia ka jingshong Dorbar mynta ka sngi.
U Sangma ula pyntip ruh ba ka jingiatai halor ka Governor’s Address kan sa long ha kawei pat ka sngi hadien ka jingpynbeit ia ka Session Calendar.
Ia ka BAC meeting la pyniaid da u Lamphang (Speaker) ha ka jingiadon ryngkat u Myntri Rangbah u Conrad K. Sangma, u Symbud Myntri Rangbah bah Prestone Tyngsong (In-charge of Parliamentary Affairs), u nongialam ka liang pyrshah Dr. Mukul M. Sangma, u MLAs bah Charles Pyngrope, u bah Paul Lyngdoh, bad u Assembly Secretary u Malthus S. Sangma.
Mynta ka sngi na ka liang jong ki dkhot ka ïing Dorbar thawaiñ ka Jylla kiba kynthup naduh u Lamphang, u Myntri Rangbah bad kiwei kiwei kila pynlong ia ka jingsngap jar kaba shiminit, kum ka dak ka jingsngewlem halor ka jingkhlad kyndit jong u Dr. Ricky J A Syngkon.
