Ki Dkhot jong ka FKJGP ha ka 21 tarik Rymphang 2026 ki la leit khang ia kiba bun ki Bank bad Company ha kiba bun ki jaka jong ka Nongbah Shillong, Nongmynsong, Pynthor, Nongthymmai, Police Bazar, Upper Shillong namar ba kim burom ha ka sngi ba tep ia ka met jong i Dr. Ricky Syngkon (Bam kwai ha Dwar u Blei) MP jong ka Shillong Parliamentary Constituency.
Ia kane la leh kum ka jingpyrshah ia kine ki jaka ba dang plie ha ka sngi tep ia u Dr Ricky A.J. Syngkon. Ki dukan ki la khang lut ha baroh shilynter na surok Keating Road haduh Khyndailad.
Lah ban kdew ba ka sorkar Meghalaya ka la pynbna shuti ha ka 21 tarik Rymphang ha baroh kawei ka Shillong Parliamentary Constituency kum ka dak ka jingburom ia une u MP ba la khlad noh. Ki dukan kiba don ha keating Road, MUDA bad ha Khyndailad ki la khang lut ha ka 21 tarik Rymphang 2026.
Ha kane ka sngi la iohi ruh ia ka jingkhang jong baroh ki Bank kiba don ha Khyndailad kum ka dak ban burom ia ka sngi leit on tep ia u MP ba la khlad noh u Dr Ricky Andrew J Syngkon.
